السعي في الإسلام: 6 مفاتيح قوية تغيّر حياتك وترتّب أولوياتك لتحقيق الخلافة في الأرض

بعد ما عرفنا إن مهمتنا على الأرض إننا نكون خلفاء، يعني جايين نشتغل ونسعى – زي ما القرآن قال

:يطلع السؤال الطبيعي

يعني إيه سعي؟

وأرتّب أفكاري وأولوياتي إزاي؟

:ربنا قال لسيدنا موسى عليه السلام

إِنَّ السَّاعَةَ آتِيَةٌ أَكَادُ أُخْفِيهَا لِتُجْزَىٰ كُلُّ نَفْسٍ بِمَا تَسْعَىٰ ﴿15﴾ سورة طه

.يعني ربنا خلق يوم عظيم اسمه يوم القيامة، وخبّى ميعاده، علشان  بس يحاسب كل واحد فينا على سعيه

…مش على اللي كان نفسه فيه

.على اللي فعلاً سعى له

اختلاف الناس في السعي والأهداف

:يقول الله تعالى

إِنَّ سَعۡیَكُمۡ لَشَتَّىٰ ﴿4﴾ سورة الليل

.يعني سعي الناس مش واحد

،واحد بيسعى لسلطة

،واحد لشهرة

،واحد عايز بيت وأسرة

،واحد عايز علم أو شغل معين

،واحد عايز فلوس

.وفي ناس أصلًا زاهدة في الدنيا وعايشة علشان الآخرة بس

.كل واحد فينا عنده صورة مختلفة لهدفه

.وحتى لو اتنين عندهم نفس الهدف، ممكن كل واحد يوصل له بطريق غير التاني

يعني مثلا لو في 3 عندهم هدف ان يكون عندهم مال وفير  في واحد يعرف يجيب المال من مهنة الطب  و واحد تاني يعرف يجيب المال الوفير داه في مهنة

…النجارة مثلا و واحد تالت خالص متخيل ان المال داه مبيجيش غير عن طريق يغضب الله عز و جل زي رقص مثلا أو تجارة مخدرات و هكذا

.مفيش طريق واحد للحياة

،علشان كده لو لقيت نفسك ماشي في طريق ومش موصلك للي إنت عايزه

:اقعد مع نفسك واسأل

هل محتاج أغير طريقة تفكيري؟

قراراتي؟

أسلوبي؟

ولا الطريق كله مش مناسب ليّ، وأنا محتاج أغير الهدف من أساسه؟

…الفشل مرة مش النهاية

.لسه في طرق كتير ما جرّبتهاش

.اختلاف الناس في الأهداف يكشف لنا تنوّع السعي في الإسلام بين الخير والفساد

ترتيب الأولويات بين الدنيا والآخرة

:بعدين القرآن يحطلك ميزان واضح جدًا للسعي، ويقول

مَّن كَانَ یُرِیدُ ٱلۡعَاجِلَةَ عَجَّلۡنَا لَهُۥ فِیهَا مَا نَشَاۤءُ لِمَن نُّرِیدُ ثُمَّ جَعَلۡنَا لَهُۥ جَهَنَّمَ یَصۡلَىٰهَا مَذۡمُومࣰا مَّدۡحُورࣰا ﴿18﴾وَمَنۡ أَرَادَ ٱلۡـَٔاخِرَةَ وَسَعَىٰ لَهَا سَعۡیَهَا وَهُوَ مُؤۡمِنࣱ فَأُو۟لَـٰۤىِٕكَ كَانَ سَعۡیُهُم مَّشۡكُورࣰا ﴿19﴾كُلࣰّا نُّمِدُّ هَـٰۤؤُلَاۤءِ وَهَـٰۤؤُلَاۤءِ مِنۡ عَطَاۤءِ رَبِّكَۚ وَمَا كَانَ عَطَاۤءُ رَبِّكَ مَحۡظُورًا ﴿20﴾ سورة الإسراء

.هنا بيظهر معنى مهم جدًا: ترتيب الأولويات

،كلنا عايزين حاجات كتير في نفس الوقت

:بس الفرق الحقيقي

إيه قبل إيه؟

.إحنا كلنا بنتحرك بدافع “المصلحة”

.والمصلحة مش كلمة وحشة

.أي تصرف بنعمله، بنعمله علشان شايفين فيه نفع لينا

:تخيّل مثلًا

،واحد رايح يخلّص مصلحة في مكان حكومي

.يعرض رشوة على موظف

.موظف يرفض

.وموظف تاني يقبل

،الاتنين اتحركوا بالمصلحة

.بس ترتيب الأولويات لكل واحد فيهم كان مختلف

،اللي قبل الرشوة

:الدنيا كانت عنده قبل أي حاجة

…فلوس أسرع، عيشة أوسع، عربية أحسن، سفر، مستوى أعلى

.دي كانت أولوياته في اللحظة دي

،واللي رفض

.كانت الآخرة وربنا والجنة في أول قلبه

هل ده معناه إنه مش عايز دنيا؟

.لا طبعًا

،هو عايش في الدنيا، وعنده أحلام والتزامات

.بس بيدوّر على طريق سعي يوازن بين حياة كريمة هنا، وفوز هناك

.يتعلم، يشتغل، يطوّر نفسه… من غير ما يبيع آخرته

:وفي الآخر ربنا بيقولك

.اللي عايز حاجة و هيمشي في طريقها هياخدها

.دنيا؟ هياخد دنيا

.آخرة؟ هياخد آخرة

.الاتنين مع بعض؟ ينفع

،عطاء ربنا مش مقفول على حد

.بس كل واحد هيشيل نتيجة اختياراته وأولوياته

السعي في الخير أم السعي في الفساد؟

:وبعدين ييجي الحكم النهائي

وَأَن لَّیۡسَ لِلۡإِنسَـٰنِ إِلَّا مَا سَعَىٰ ﴿39﴾وَأَنَّ سَعۡیَهُۥ سَوۡفَ یُرَىٰ ﴿40﴾ثُمَّ یُجۡزَىٰهُ ٱلۡجَزَاۤءَ ٱلۡأَوۡفَىٰ ﴿41﴾وَأَنَّ إِلَىٰ رَبِّكَ ٱلۡمُنتَهَىٰ ﴿42﴾ سورة النجم

:ويقول كمان

فَمَن یَعۡمَلۡ مِثۡقَالَ ذَرَّةٍ خَیۡرࣰا یَرَهُۥ ﴿7﴾وَمَن یَعۡمَلۡ مِثۡقَالَ ذَرَّةࣲ شَرࣰّا یَرَهُۥ ﴿8﴾  سورة الزلزلة

،ركّز في أهدافك

.وركّز أكتر في الطرق اللي ماشي فيه علشان توصلها

،في ناس سعيها خير

.وفي ناس سعيها فساد وإفساد في الأرض

،وإنت بتجري ورا هدفك

،إوعى تظلم

،إوعى تاخد حق مش حقك

.إوعى تأذي حد

،إفتكر: إنت خليفة في الأرض

.فبلاش تكون خليفة فاسد

.أي حاجة هتعملها هتشوفها، وهترجعلك بشكل أو بآخر

.ميزان السعي في الإسلام واضح: طريق يقرّبك من الله، وطريق يبعدك عنه

النوم والراحة: سعي أم هروب؟

:خد بالك

.إنت طول الوقت في حالة سعي، بمزاجك أو غصب عنك

.حتى وإنت نايم

النوم بعد يوم تعب وشغل وتعلّم ونفع؟

.ده سعي انك تريح جسدك فترة  علشان تكمل

،لكن نوم بالساعات

،وبعده تلفزيون

،وبعده سوشيال ميديا

…وبعده خروج بلا معنى

،ده برضه سعي

،بس سعي لللاشيء

.سعي للفشل

،لو إنت مش بتسعى للنجاح

.إنت كده بتسعى للفشل

،لو مش بتسعى للقوة

.إنت بتسعى للضعف

،لو مش بتسعى للغِنى

.إنت بتسعى للفقر

،لو مش بتسعى للعِزة

.إنت بتسعى للذل

.مفهوم السعي في الإسلام لا يقتصر على العمل فقط، لكنه يشمل النية والطريق والغاية

لماذا يفشل بعض الناس رغم الأحلام الكبيرة؟

،يمكن عندك أحلام كتير في قلبك

:بس الحقيقة اللي بتوجع أحيانًا

.إنك مش بتعمل في حياتك اللي يوصّلك ليها

…وفي الآخر

.إفتكر دايمًا إن قدامك آلاف الطرق للسعي

.لو فشلت في طريق، ده مش آخر الدنيا، ولا نهاية الحكاية

.يمكن الطريق ده مش ليك، ويمكن محتاج تغيّر أسلوبك، ويمكن ربنا بيجهزك لطريق أنضج وأصحّ

…المهم مش إنك ما تقعش

.المهم إنك ما تفضلش ماشي في طريق غلط وأنت فاكره صح

:وأنت بتسعى، اسأل نفسك كل مرة

أنا كده بسعى في إيه؟

في خير ولا في فساد؟

في بناء ولا في هدم؟

هل اللي بعمله بيحقق معنى خلافتك في الحاجة اللي ربنا استخلفك فيها؟

ولا أنا مجرد بجري ورا حاجة هتضيعني؟

،خلي سعيك دايمًا حاجة تقرّبك من ربنا

،وتخلّيك أنفع لنفسك وللي حواليك

:وتخلّيك لما تقف بين إيديه تقول

.“يا رب، حاولت أمشي في الطريق الصح على قد ما أقدر”

.حين نفهم السعي في الإسلام ندرك أن الله لا يحاسبنا على الأمنيات بل على الحركة والفعل

:وفي الختام

،اللهم لا تجعلنا من الذين ضلَّ سعيهم في الحياة الدنيا وهم يحسبون أنهم يحسنون صنعًا

.واجعل سعينا في رضاك، وفيما يقربنا إليك، وفيما يحقق معنى الخلافة التي شرفتنا بها

…يمكنك تصفح باقي المقالات القرآنية في موقع تبيان